Amicorp kompanııalar toby óńirdiń bas qarjy haby – «Astana» halyqaralyq qarjy ortalyǵynda (AHQO) óz keńsesin ashty. Amicorp – korporatıvtik basqarý, qarjy naryqtary jáne qorlardy ákimshilendirý qyzmetteriniń alǵashqy jahandyq jetkizýshisi, dep jazady Egemen.kz.
Astanadaǵy Amicorp keńsesi endi Shyǵys pen Batys, Kavkaz ben EAEO, Taıaý Shyǵys pen Eýropa qıylysynda ornalasqan strategııalyq mańyzdy bizdiń elde turaqtap, jumys isteýge nıet bildirgen kásipkerler men kásiporyndarǵa jergilikti qoldaýdy kózdep otyr. Amicorp endi halyqaralyq deńgeıge shyǵýdy qalaıtyn qazaqstandyq kompanııalarǵa transshekaralyq qyzmetti jolǵa qoıýǵa jáne tıimdi zań qurylymdaryn qurýǵa kómektesip, qoldaý kórsete alady dep kútilýde.
«Astanada keńseniń ashylýy Amicorp úshin mańyzdy kezeń bolyp sanalady, osynda bola otyryp biz qarqyndy damyp kele jatqan Ortalyq Azııa ekonomıkasynyń ınvestısııalyq múmkindikterin paıdalanǵysy keletin tutynýshylarǵa jaqsyraq qoldaý kórset alatyn bolamyz», dep pikir bildirdi Amicorp kompanııalar toby, TMD boıynsha satý bóliminiń basshysy Serhıo Hıronella .
Onyń aıtýynsha, Qazaqstan Jańa Jibek joly bastamasynyń basynda tur, óıtkeni qazirgi ýaqytta Qytaı men Ortalyq Azııadan Eýropaǵa eksporttalatyn taýarlardyń 80%-dan astamy osy el arqyly ótedi.
«Bul úlken ınvestısııalyq múmkindikterdi usynatyn artyqshylyǵy bar ıýrısdıksııa retinde ınfraqurylymnyń, normatıvtik-quqyqtyq bazanyń jáne ekonomıkalyq ambısııanyń aıtarlyqtaı damýyna ákeldi», deıdi Serhıo Hıronella.
Qazaqstan tabıǵı resýrstarǵa, ásirese munaı men tabıǵı gazǵa, kómir sekildi paıdaly qazbalarǵa baı el bola otyryp, Ortalyq Azııadaǵy eń joǵary ekonomıkalyq ósimge jetip qana qoımaı, tikeleı sheteldik ınvestısııalardy da qyzyqtyrdy. Onyń aımaqtyq jáne jahandyq kommersııalyq ortalyq retinde ósýi aýyl sharýashylyǵy, tehnologııa jáne ásirese qarjy sııaqty basqa sektorlardy ártaraptandyryp, damytýǵa ákeldi.
Elde álemdik deńgeıde damyp jatqan qarjy haby – «Astana» halyqaralyq qarjy ortalyǵy bar, ol arnaıy salyq rejımderi men táýelsiz qarjylyq erejelerden bastap jeńildikti vızalar men eńbek jaǵdaılaryna deıin sheteldik ınvestısııalardy tartýǵa jáne elge halyqaralyq kapıtal naryqtarymen ıntegrasııalanýǵa kómektesý úshin qor naryǵyn qurýǵa baǵyttalǵan birqatar yntalandyrýlardy usynady.
Amicorp komandasy Astanadaǵy jańa keńsesinen ártúrli ákimshilik qyzmetterdi, sonyń ishinde zańdy qyzmetterdi qurý, korporatıvtik hatshy qyzmetteri, salyq jáne býhgalterlik qyzmetter, banktik shottar ashý jáne basqa da ákimshilik mindetterdi qosa alǵanda, korporatıvtik basqarýmen baılanysty ákimshilik qyzmetterdi usynady. Komanda aldaǵy aılarda basqa qyzmetterdi qosýdy josparlap otyr.
Astanadaǵy jańa keńse qazaqstandyq kompanııalarǵa Amicorp keńseleriniń halyqaralyq jelisin paıdalanýǵa jáne olardyń jergilikti naryqtar týraly bilimderin alýǵa múmkindik beredi.«Bizdiń maqsatymyz — Qazaqstannyń ár qalasynda ornalaspasaq ta, búkil el boıynsha bıznesti qoldaý jáne AHQO-nyń jetekshi qarjy ortalyǵy retinde damı berýine óz yqpalymyzdy tıgizý», - dedi Hıronella myrza.