«Qazgıdromet» RMK 27-29 sáýirge arnalǵan aýa raıy boljamyn jarııalady, dep habarlaıdy Egemen.kz.
Sınoptıkterdiń boljamyna qaraǵanda, elimizde turaqsyz aýa raıy saqtalady.
«27 sáýirde eldiń basym bóligi joǵary atmosferalyq qysym alqabynyń yqpalynda bolady. Jaýyn-shashynsyz aýa raıy kútiledi. 28-29 sáýirde atmosferalyq frontaldy bólikterdiń áserinen Qazaqstannyń basym bóliginde jańbyr jaýyp, naızaǵaı oınaıdy. 28 sáýirde ońtústikte, 29 sáýirde soltústik-batysta jáne soltústikte qatty jańbyr jaýady. Burshaq jaýýy múmkin. 29 sáýirde túnde respýblıkanyń ońtústik-shyǵysyndaǵy taýly aımaqtarda jańbyr men qar jaýady», delingen habarlamada.
Qazaqstan boıynsha jel kúsheıedi, ońtústikte jáne ońtústik-batysta shańdy daýyl soǵady dep boljanyp otyr. Temperatýralyq fonǵa keletin bolsaq, kúndizgi temperatýra birtindep joǵarylaıdy. Alaıda 27-28 sáýirde túnde elimizdiń soltústik jartysynda termometrler 1-8 gradýs aıazǵa deıin jetedi.