Memleket basshysy Qasym-Jomart Toqaev «Taza Qazaqstan» respýblıkalyq ekologııalyq aksııasy aıasynda uıymdastyrylǵan jalpyqalalyq senbilikke qatysyp, elordadaǵy «Ulytaý» alleıasynda aǵash otyrǵyzdy, dep habarlaıdy Egemen.kz Aqordanyń baspasóz qyzmetine silteme jasap.
Prezıdentpen birge senbilikke volonterler, «Assambleıa jastary» uıymynyń ókilderi, elimizdiń ǵylym, kreatıvti ındýstrııa, mádenıet, sport salalaryndaǵy belsendi jastar jáne aldaǵy V Dúnıejúzilik kóshpendiler oıyndaryna qatysýshylar, Prezıdenttik jastar kadr rezerviniń músheleri atsalysyp, jóke aǵashynyń 430 túp kóshetin ekti.