Osy aıdyń 24-28 kúnderi Mersın provınsııasyndaǵy Erdemlı qalasynda (Túrkııa) QR IIM Ulttyq ulanynyń áskerı qyzmetshileri ýnıfaıttan eresekter men jastar arasynda ótken Álem Kýbogine qatysty, dep habarlaıdy Egemen.kz.
Ulttyq ulannyń baspasóz qyzmeti málim etkendeı, Horvatııa, Shveısarııa, Nıderlandy, Soltústik Makedonııa, Italııa, Izraıl, Vengrııa, taǵy basqa elderdiń sportshylary qatysqan jarysta 75 kg salmaq dárejesinde 6655 (Aqtóbe qalasy) áskerı bóliminiń ofıseri leıtenant Ázimjon Kýbonboev altyn medal jeńip aldy, al 65 kg salmaq boıynsha 6506 (Shymkent qalasy) bóliminiń áskerı qyzmetshisi maıor Alken Tólegenov 1 oryn tuǵyrynan kórindi.
«Qarsylastar tyńǵylyqty daıyndyqpen kelgen kileń myqty sportshylar boldy. Ishki ister mınıstri polısııa general-leıtenanty Erjan Saparbekuly Sádenovke jáne Ulttyq ulannyń Bas qolbasshysy general-leıtenant Erkin Sovetbekuly Botaqanovqa elimizdiń atynan halyqaralyq deńgeıde ókildik etýge múmkindik bergeni úshin alǵysymdy bildirgim keledi», dedi Alken Tólegenov.