Qaıǵyly oqıǵa Aqtóbe oblysynyń Sarqul aýylynda boldy. Bul týraly qoǵam qaıratkeri Dına Tańsári aıtyp bergen, dep habarlaıdy Egemen.kz.
Vesti_pavlodar Instagram-paraqshasynda habarlanǵandaı, erli-zaıyptylar 2022 jyly ajyrasqan. Er adam basqa áıelmen jeke ómirin qura bastaǵan. Ol alıment tólemegen, úsh balasymen aralaspaǵan. Alaıda eki jyldan keıin burynǵy otbasyna qaıta oralyp kelgen.
Sol túni er adam as bólmede sháınek qoıyp júrgen Aıbanýǵa shabýyl jasap, ony tunshyqtyryp óltirgen. Oqıǵa kezinde balalary kórshi bólmede uıyqtap jatqan.
«Jaqyndarynyń aıtýynsha, ol Aqtóbeden taksımen kelgen. Taksıstke kenttiń shetinde «kúte tur» dep aıtqan. Bul áreket muqııat josparlanǵan, burynǵy áıelin óltirý úshin kelgen. Buǵan jyljymaıtyn múlikke talas sebep bolǵan. Aıbaný qalada tura almady, qarjylaı qıyndyq kórip, aýylǵa kóship ketken. Arada ortaq páter bolǵan, balalardyń bolashaǵyn oılaǵan Aıbaný burynǵy kúıeýinen sol páterdi bólisýdi suraǵan», dep jazdy Dına Tańsári.
Polısııa atalǵan faktini rastady. Is sotqa jiberildi.
«Kisi óltirý faktisi boıynsha qylmystyq isti tergeý aıaqtaldy jáne prosessýaldyq sheshim qabyldaý úshin sotqa jiberildi», dep jaýap berdi Aqtóbe oblysynyń IID.