Elimizdegi jetekshi pedagogıkalyq joǵary oqý orny – Abaı ýnıversıtetinde ashyq esik kúni ótti. Is-sharaǵa Almatydan jáne elimizdiń basqa da óńirlerinen kelgen talapkerler men ata-analar qatysty, dep habarlaıdy Egemen.kz.
Bolashaq stýdentter ýnıversıtettiń bilim berý baǵdarlamalarymen, ınfraqurylymymen jáne pedagogıkalyq bilim berýge qatysty, sondaı-aq bakalavrıat, magıstratýra jáne doktorantýraǵa arnalǵan bilim berý baǵdarlamalary jáne ýnıversıtet stýdentteriniń kásibı qabiletin shyńdaýǵa baılanysty mazmundy aqparattarmen tanysty.
Ashyq esik kúni bolashaq stýdentterge ýnıversıtettiń akademııalyq jáne mansaptyq maqsattaryna qanshalyqty sáıkes keletinin túsinýge qolaıly jaǵdaı jasaldy. Álemdik standarttarǵa saı mamandar daıarlaýǵa baǵyttalǵan 180-nen astam bilim berý baǵdarlamalary, sonymen qatar qos dıplom jáne akademııalyq utqyrlyq baǵdarlamalary bilim berýdiń ár kezeńinde bilim alýshylardyń kásibı bilimin shyńdap, olardyń mansap jolyndaǵy qajetti daǵdylaryn damytýǵa yqpal etedi.
Halyqaralyq standarttar men eńbek naryǵynyń talaptaryna jaýap beretin jańa formasııadaǵy pedagogıkalyq kadrlardy daıarlaıtyn ýnıversıtet elimizdiń túkpir-túkpirinen kelgen muǵalimderdiń biliktiligin arttyrý jáne qaıta daıarlaý jumystaryn belsendi iske asyryp keledi.
Ýnıversıtet ókilderi talapkerler men olardyń ata-analarynyń suraqtaryna egjeı-tegjeıli jaýap berip, bilim berý baǵdarlamalary týraly mańyzdy aqparattaryn bólisti.
ALMATY