Jeńis kúni – elimizdegi árbir jan úshin mańyzy zor qasterli kún. О́ıtkeni ár otandasymyzdyń otbasynan maıdan dalasynda fashızmmen kúresip, beıbitshilik zamanyn jaqyndatýǵa atsalysqandar da, tylda eńbek etip, jeńiske jetýge óz úlesin qosqandar da tabylady. Bul qasterli kún – halqymyzdyń eren erligi men birliginiń, qaharmandyǵynyń rámizi.
Soǵys qurbandarynyń rýhyna taǵzym etip, ardagerlerge qurmet kórsetý – urpaqqa paryz. Olardyń maıdandaǵy erligi men tyldaǵy eńbegi týǵan elge degen qaltqysyz súıispenshiliktiń jáne qaısarlyqtyń jarqyn úlgisi boldy. Otan úshin ot keshkenderdiń erligin umytpaý – barshamyzdyń qasıetti boryshymyz.
Surapyl soǵys aıaqtalǵaly beri seksen jylǵa taqaý ýaqyt ótse de, sol Jeńistiń jylýy, batyrlarymyzdyń eren erligi búgingi urpaqtyń da júregine qýanysh, júzine shattyq, boıyna jiger uıalatyp keledi. О́ıtkeni biz – beıbitshiliktiń qadirin uǵynǵan urpaqpyz.