Qazaqstan tennısshisi Iýlııa Pýtınseva (41 WTA) Rımde ótip jatqan WTA 1000 týrnıriniń úshinshi kezeńine ótti, dep habarlaıdy Egemen.kz.
Ekinshi aınalymda otandasymyz amerıkalyq tennısshi Sloan Stıvensti (35 WTA) 6:3, 6:2 esebimen utty. Match 1 saǵat 15 mınýtqa sozyldy. Jeke kezdesýlerdegi esep boıynsha Iýlııa alǵa shyqty, esep - 4:3.
Aıta keteıik, 31 jastaǵy amerıkalyq tennısshi 2017 jylǵy AQSh ashyq chempıonatynda jeńiske jetti.
Endi Iýlııa Pýtınseva týrnırdiń úshinshi aınalymynda álemniń birinshi raketkasy Iga Shventekpen synǵa túsedi.