О́ńirlerde shegirtkeniń taralýyna jol bermeý jáne fıtosanıtarlyq is-sharalar júrgizý úshin jedel jumys komıssııalary qurylady. Mundaı sheshim vıse-premer Serik Jumanǵarınniń tóraǵalyǵymen ótken keńeste qabyldandy.
Mamyr-maýsym aılary – jerdi shegirtkege qarsy óńdeý úshin eń qolaıly merzim. Dál osy ýaqytta shegirtke jumyrtqalary kóbeıedi.
«Boljamymyz boıynsha shegirtkege qarsy is-sharalar temperatýra +25-30 gradýsqa deıin kóterilip, jernásilderdiń jappaı kóbeıetin sátinde, eldiń ońtústigi men batysynda 20 mamyrdan, soltústigi men shyǵysynda jáne ortalyǵynda 30 mamyrdan bastap qolǵa alynady. Zııankestermen kúresý úshin 2,46 mln ga aýmaqty óńdeýge arnalǵan pestısıdter qory satyp alyndy. Barlyǵy 2,5 mln ga qajet. Qazirdiń ózinde 1,9 mln ga aýmaqty hımııalyq óńdeý boıynsha qyzmetterge shart jasaldy. Qalǵany boıynsha konkýrstyq rásimder jalǵasyp jatyr. О́ńdeý tehnıkasy aımaqtarda ornalasqan, pestısıdter qajet bolǵan jaǵdaıda saqtaý qoımalarynan jetkiziledi. Tıisti jumystardy bastaý úshin jernásilderdiń jappaı ósý jáne damý kezeńiniń bastalýyn kútemiz», dedi Aýyl sharýashylyǵy vıse-mınıstri Azat Sultanov.
Túrkistan oblysy 16 sáýirden bastap birinshi bolyp asa qaýipti Marokko shegirtkesinen tazartýdy bastady. О́ńdeletin jalpy aýdany – 272 myń ga. Búgingi tańda josparlanǵan aýmaqtyń 88% óńdeldi. Bul – 240,3 myń ga alqap. Hımııalyq óńdeý jerden (101 birlik) jáne áýeden (6 birlik) arnaıy tehnıkamen júrgiziledi. Qoldanylatyn preparattar, «Pılarkıng v.k.» (14,3 myń ga), «Tıametrın s.k.» (189,8 myń ga), «Karat sýper k.e.» (18,2 myń ga), «Aset 200 r.n» (18 myń ga).
Aýyl sharýashylyǵy mınıstri Aıdarbek Saparov keńeste barlyq óńir monıtorıngtik is-sharalar úshin tehnıkany belsendi qoldanýǵa tıis ekenin atap ótti.
Zııankestermen kúreste jernásilderdiń ornalasqan jerin ýaqytynda ári naqty taýyp, joıý – óte mańyzdy. Shegirtkeniń boljamdy taralý aýqymyn (2,5 mln ga) eskere otyryp, monıtorıng dástúrli ádisterden bólek, drondardyń kómegimen de júrgiziledi. Tájirıbe kórsetkendeı, drondardy qoldaný zııankesterdi baqylaý sharalaryn 5-10 ese jyldamdatady. Sondyqtan ákimdikterge múmkindiginshe dernásilderdiń ornalasqan jerin anyqtaý úshin drondardy paıdalaný usynylady.
Shekara mańyndaǵy shegirtkege qatysty jaǵdaı únemi qadaǵalanyp otyrady. Shekaralas elderdiń aýyl sharýashylyǵy salalary arasynda monıtorıng josparlary jasaldy. Atap aıtqanda, ózbekstandyq jáne reseılik mamandarmen birlesken zertteýler júrgizilip jatyr.
«Bul jumystardan kútetin jalǵyz nátıjemiz – shegirtkelerdiń taralyp ketpeýi. Sondyqtan bir apta ishinde shegirtkege qarsy jedel jumys úshin meniń basshylyǵymmen Úkimette ortalyq komıssııa jáne oblystarda ákim orynbasarlary jetekshilik etetin óńirlik komıssııalardy quramyz. Biz qalyptasqan tásilderge súıenbeı, aýmaqtardy muqııat zertteý jáne jerdi óńdeý úshin barlyq qajetti resýrsty, ásirese adam resýrsyn qosamyz. Eńbek bırjasynan adamdardy tartyńyzdar. Erteńnen bastap barlyq AShM basshylary qajetti is-sharalardy baqylaý úshin shegirtkeniń taralý qaýpi joǵary aımaqtarǵa barady. Shegirtkeniń taralý qaýpi tolyǵymen joıylǵanǵa deıin ár apta saıyn jergilikti jaǵdaıdy baqylap, barlyq óńirdi tyńdaıtyn bolamyn», dedi vıse-premer.