Búgin Qazaqstanda 2024 jylǵy negizgi UBT bastaldy. 180 myńnan astam úmitker testileýge qatysýǵa nıet bildirdi. Bul týraly Ulttyq testileý ortalyǵynyń dırektory Bolatbek Ábdirásilov aıtty, dep habarlaıdy Egemen.kz.
Ábdirásilov habarlaǵandaı, búgin Qazaqstannyń 14 oblysynda 2024 jylǵy negizgi UBT bastaldy, ol 5 shildege deıin jalǵasady.
«Bıyl biz talapkerlerge negizgi UBT-ny eki ret tapsyryp, granttyq konkýrsqa qatysýǵa múmkindik berip jatyrmyz, onyń ishinde eki talpynysty esepke alǵanda 181 myń talapker testileýge qatysýǵa nıet bildirdi, 330 myńǵa jýyq ótinish tústi. Qazir ótken jylmen salystyrǵanda test tapsyrýshylardyń sany 19 myńǵa artty», dedi Ábdirásilov Ortalyq kommýnıkasııalar qyzmetiniń brıfınginde.
Onyń aıtýynsha, talapkerlerdiń 75 paıyzy emtıhan tapsyrý úshin qazaq tilin tańdaǵan, qalǵan 25 paıyzǵa jýyǵy orys tilin tańdasa, 221 adam aǵylshyn tilin tańdaǵan.