Qulsary qalasynyń sý basqan aýlalarynan 10 tonnadan astam qoqys pen turmystyq qatty qaldyqtar shyǵarylǵan. «Jylyoı Tazalyq JShS ýchaskesiniń bastyǵy Asqar Temirjan aıtyp ótkendeı, atalǵan mekeme qyzmetkerleri sý basqan úılerden kúnine 1,7 tonnaǵa deıin turmystyq qaldyqtardy shyǵaryp otyr, dep habarlaıdy Egemen.kz Atyraý oblysynyń Tótenshe jaǵdaılar jónindegi jedel shtabyna silteme jasap.
TJ rejımin joıý boıynsha jumystar sheńberinde Qulsary turǵyndary úılerinen búlingen múlikterdi áketý boıynsha jumystar júrgizilip jatyr.
«Kúnine kóshelerden 1,7 tonnaǵa deıin qoqys jınalady. Mindetimiz – úıler men aýlalardy qoqystardan tez arada tazartý. Osylaısha, turǵyndar jóndeý jumystaryn júrgizip, turǵyn úılerin retke keltire alýyna jaǵdaı jasaý», deıdi Asqar Temirjan.
Qoqystardy jınaý jáne shyǵarý jumystaryna 17 arnaıy tehnıka, 5 júk tıegish, «Jylyoı Tazalyq» JShS-niń 38 qyzmetkeri jumyldyryldy. Bes brıgada kún saıyn tańǵy 8:00-den keshki 20:00-ge deıin jumys istep jatyr.