Elimizde tuńǵysh ret oqýshylar arasynda uıymdastyrylǵan «Mektep barysy» jobasy máresine jetti. Taldyqorǵanda ótken tartysqa toly dodaǵa qalanyń 27 mektebinen iriktelip shyqqan úzdik balýandar «Mektep barysy» ataǵy úshin beldesip, ózara myqtyny anyqtady. Qala ákimi Ernat Bázil osyndaı tyń jobalardy qoldaıtynyn aıtyp ótti, dep jazady Egemen.kz.
Taldyqorǵan ákimdiginiń baspasóz qyzmeti málim etkendeı, sońǵy kezeńde qarsylastaryn aıqyn basymdyqpen jeńgen №12 orta mektebiniń oqýshysy Baqytbek Isajan tuńǵysh «Mektep barysy» atandy. Júldeli II oryn №29 orta mektebiniń oqýshysy 13 jastaǵy eń jas balýan Qoǵaıbek Bekzatqa buıyrsa, III oryndy №4 orta mekteptiń oqýshysy Músálim Nuráli qanaǵat tutty. Al beldesýde erekshe kózge túsken balýandar yntalandyrý syılyqtaryn aldy.