Mahambet aýdany, Saraıshyq aýylyndaǵy №4 arnaýly áleýmettik qyzmetter kórsetý ortalyǵynda erekshe kútimdi qajet etýshi turǵyndar tasqyn qaýpi jaǵdaıynda Atyraý qalasyna kóshiriledi. Bul týraly Atyraý oblysynyń TJ jónindegi jedel shtaby habarlady, dep jazady Egemen.kz.
«Erekshe kútimdi qajet etýshilerge ortalyqtyń 90 mamany qyzmet kórsetip jatyr. Tasqyn qaýipi tóngen jaǵdaıda emdelýshiler Atyraý qalasyna evakýasııalanady. Ortalyqtaǵy emdelýshiler men qyzmetkerler úshin Atyraý qalasy, Geolog shaǵyn aýdany aýmaǵyndaǵy «Atyraý - Dossor» tas joly, qurylys 252 A mekenjaıynda ornalasqan «Tekfen Gate» JShS fılıalynyń jataqhanasy daıyndaldy. Qazirgi tańda jaǵdaı birqalypty. Evakýasııalaýǵa arnalǵan kólikter de daıyn tur», dedi oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Azamat Mámbetov.
Aıta keteıik, qazir №4 arnaýly áleýmettik qyzmetter kórsetý ortalyǵynda 310 erekshe kútimdi qajet etýshi em alyp jatyr.
Erlan KIIKBAI,
EUÝ stýdenti