Qyzylordada «Qnet» qarjy pıramıdasynyń qurylymdyq bólimshesin uıymdastyrǵan aǵaıyndy ekeý 5 jylǵa sottaldy, dep habarlaıdy Egemen.kz.
Qarjylyq monıtorıng agenttiginiń Qyzylorda oblysy boıynsha Ekonomıkalyq tergep-tekserý departamenti mamandarynyń aıtýynsha olar 2020-2021 jyldar aralyǵynda oblys aýmaǵynda qarjy pıramıdasynyń qurylymdyq bólimshesin qurǵan. Aǵaıyndylar elimizdiń aýmaǵynda tyıym salynǵan qarjylyq pıramıda salasyndaǵy zańsyz qyzmet pen uıym týraly anyq bile tura, asa iri kólemde azamattardyń aqshalaı qarajatyn tartýǵa baǵyttalǵan qareketterin júzege asyrǵan.
Búginde atalǵan qarjy pıramıdasynan 40 salymshy zardap shekkeni belgili bolyp otyr. Olarǵa keltirilgen shyǵyn kólemi 53 mln teńge.
Sotqa deıingi tergep tekserý barysynda keltirilgen shyǵyn salymshylarǵa tolyq qaıtaryldy.