Taraz qalasynyń turǵyn alabynda kisi óltirý oqıǵasy oryn aldy, dep habarlaıdy Egemen.kz KTK telearnasyna silteme jasap.
Qaıǵyly oqıǵa 19 mamyrda bolǵan. Belgili bolǵandaı, jas jigit óziniń jaqyn dosyn «Kalashnıkov» avtomatymen atyp jibergen. Polısııanyń málimetinshe, qarý qańtar oqıǵasy kezinde urlanǵan bolýy múmkin, sol kezde jergilikti bólimsheden myńnan astam atys qarýy urlanǵan.
Atys dybysy tipti kórshi úılerde de estildi.
«Qazirgi tańda QR Qylmystyq kodeksiniń 99-baby boıynsha qylmystyq is qozǵalyp, kúdikti ýaqytsha ustaý ızolıatoryna qamaldy. Jambyl oblysy IID ǵımaratynan avtomat urlandy. Qazir kúdiktiniń osy oqıǵaǵa qatysy bar-joǵy anyqtalyp jatyr», dep habarlady Jambyl oblystyq PD baspasóz qyzmetiniń jetekshisi Gúlsara Muhtarqulova.