Senattyń Halyqaralyq qatynastar, qorǵanys jáne qaýipsizdik komıtetiniń tóraǵasy Andreı Lýkın Ujymdyq qaýipsizdik týraly shart uıymy Parlamenttik Assambleıasynyń Saıası máseleler jáne halyqaralyq yntymaqtastyq jónindegi turaqty komıssııasynyń kezekten tys otyrysyna qatysty, dep habarlaıdy Egemen.kz Senattyń baspasóz qyzmetine silteme jasap.
Senator aqparattyq-kommýnıkasııalyq tehnologııanyń bir túri retinde jasandy ıntellekt tehnologııasynyń taralýyndaǵy ózekti máselelerdi basqa elderden kelgen áriptesterimen birge talqylady.
Parlamentshiler is-shara qorytyndysy boıynsha jasandy ıntellekt tehnologııalaryn ázirleý jáne paıdalaný barysy retimen júzege asyp, qaýipsiz jáne senimdi bolýyn, adamzat qoǵamynyń asa mańyzdy máselelerin sheshýge baǵyttalýy tıis ekenin atap ótti.