Jazýdyń azaby da, lázzaty da birdeı desedi. Al jazýdaǵy jaýapkershilik, tártip, júıelilik árkimde ártúrli. Bireý jalqaýlanyp, jazý ústelinen qashyp júredi. Endi bireý shalqar shabyty týatyn sol bir sátti kútedi. Taǵy bireý jazýǵa óz-ózin zorlap otyrǵyzady.
Máselen, Vıktor Gıýgo bastaǵan shyǵarmasyn ýaqytynda aıaqtaý úshin óz-ózin aıamaǵan. О́z sózin ózine tyńdata alǵan. Bylaısha aıtqanda, ózine baǵyna bilgen. Bul da – aqyl.
Jazýshy «Parıj Qudaı ana soboryn» 1830 jyldyń jazynda bastap, 1831 jyldyń aqpanynda támamdaıdy. Mundaı ónimdi jumystyń syry nede deısiz ǵoı. Gıýgo mundaı nátıjege jetý úshin bir bótelke sııa satyp alyp, ózin bólmesine qamap qoıǵan. Iаǵnı sanaly túrde májbúrlenip jazǵan. О́zinen ózi aılasyn asyra bilý de kishkentaı sheberlik emes pe?
Iá, osy ýaqytqa deıin qanshama talantty jazýshy jalqaýlyǵynan ıakı ózin-ózi tárbıeleı almaýynan, ózin jazýǵa otyrǵyza almaýynan ádebıetten joǵalyp ketti eken? Nemese óz deńgeıine jete almaı, qatardaǵy ortaqol avtorlardyń biri bolyp júrdi eken?.. Shet-shegine eshkim jete almaǵan beımálim suraq.