Búgin Vetnam Ulttyq assambleıasy (bir palataly parlament) eldiń jańa prezıdentin saılady. Memleketti endi Vetnam Kommýnıstik partııasy Ortalyq Komıteti Saıası Bıýrosynyń múshesi To Lam basqarady, dep habarlaıdy Egemen.kz VIETNAM aqparattyq agenttigine silteme jasap.
To Lamdy Vetnam prezıdenti etip saılaý týraly qarardy otyrysqa qatysqan Ulttyq jınalystyń 473 depýtatynyń 472-si qoldady.
Saıasatkerdiń el prezıdenti laýazymyna usynylǵan kandıdatýrasyn Vetnam Kommýnıstik partııasy Ortalyq Komıteti 16-18 mamyr aralyǵynda Hanoıda ótken kezekti plenýmda maquldady.
To Lam 21 mamyr kúni buǵan deıin atqarǵan qoǵamdyq qaýipsizdik mınıstri qyzmetinen bosatyldy.
Aıta keteıik, Vetnamda memleket basshysynyń orny sáýirde Ulttyq jınalystyń bekitilgen qararyna sáıkes Vo Van Thýong el prezıdenti qyzmetinen bosatylǵannan keıin bos qaldy.