Jezdi kentindegi Máken Tóregeldın atyndaǵy taý-ken jáne balqytý isi mýzeıinde bir jaqsy dástúr qalyptasqan. Mektep bitirýshi túlekter mamyr aıynyń sońǵy kúnderiniń birinde mýzeıge kelip, osynda ekskýrsııa jasaıdy, qyzmetkerlermen kezdesedi. Kezdesý sońynda teledıdar arqyly osy mýzeıdi uıymdastyrǵan soǵys jáne eńbek ardageri Máken Tórekeldınniń jas urpaqqa qaldyryp ketken ósıeti jazylǵan beınejazbany tyńdaıdy.
«Bıylǵy túlektermen kezdesý óte erekshe ótti. О́ıtkeni, bıyl uly ǵalym Qanysh Sátbaev atamyzdyń týǵanyna 125 jyl toldy. Sondyqtan, jas túlekterge mýzeı atynan ǵalym atalarynyń jolyn bersin degen tilekhat tapsyrdyq», deıdi mýzeı basshysy Zeıpin Qazanbaeva.
Qarsaqbaı geologııalyq barlaý partııasyn basqarǵan Q.I.Sátbaev Máken Tórekeldındi 16 jasar kezinde jumysqa qabyldaǵan eken. Búgingi jasóspirimderdiń úlken ómirge Qanekeńniń izbasarlarynyń biri bolǵan Máken Tórekeldınniń ózi bolmasa da, ónegeli sózin estip attanyp jatqany da urpaqtar sabaqtastyǵy ispetti jarasymdy sharalardyń birine aınaldy.
Ulytaý oblysy, Jezdi kenti.