«Dara» prezıdenttik bastamalary qory «Karga Seven Pictures» kompanııasymen birlese otyryp, Shyńǵys hannyń úlken uly Joshy hannyń ómirine arnalǵan alty bólimnen turatyn aǵylshyn tilindegi gıbrıdti derekti dramany túsirýdi bastady, dep habarlaıdy Egemen.kz «Dara» prezıdenttik bastamalar qorynyń baspasóz qyzmetine silteme jasap.
Serıal Joshy hannyń ómir tarıhy prızmasy arqyly Altyn Orda ımperııasynyń damý kezeńderin kórsetedi.
Derekti-dramalyq telehıkaıanyń prodıýseri kreatıvti dırektory Emre Shahın jetekshilik etetin «Karga Seven Pictures» kompanııasy. Túsirilim 2024 jyldyń kúzinde Qazaqstan men Túrkııada bastalady dep josparlanyp otyr.
«Joshy hannyń ómir tarıhy keremet epıkalyq, ol dúnıe júzindegi kórermenderdi qyzyqtyrary sózsiz. Osy aýqymdy tarıhı jobany júzege asyrýda «Dara» qorymen birlesip, jumys isteý biz úshin úlken mártebe», deıdi «Karga Seven Pictures» kreatıvti dırektory Emre Shahın.
Eske sala keteıik, bıyl Joshy Ulysynyń qurylǵanyna 800 jyl tolady.
«Osy ataýly kúnge arnalǵan tarıhı derekti joba memlekettigimizdiń san ǵasyrlyq tamyryn kórsetedi. Jappaı aýdıtorııaǵa arnalǵan derekti-drama ulttyq tarıhty keńinen nasıhattaýǵa, qazaq halqynyń uly tarıhyn tanýǵa, halyqaralyq aýdıtorııanyń Qazaqstanǵa degen qyzyǵýshylyǵyn arttyrýǵa septigin tıgizedi», dep atap ótti «Dara» Prezıdenttik bastamalar qorynyń baspasóz qyzmeti.
Qyrmyzy JUMAǴALIQYZY,
EUÝ stýdenti