Shyǵys Qazaqstan oblysy Zaısan aýdanyndaǵy Kendirlik ózeninde jańa sý qoımasy salynady. Bul jańalyqty Sý sharýashylyǵy jáne ırrıgasııa mınıstrliginiń baspasóz qyzmeti bólisti, dep habarlaıdy Egemen.kz.
Vedomstvonyń málimetinshe, sý qoımasy 60 mıllıon tekshe metr sýdy jınaı alady. Bul Zaısan óńirindegi 20 myń gektar egistik alqapty sýarý sýymen qamtamasyz etýge múmkindik beredi.
Mınıstrlik basshysy Nurjan Nurjigitov sý qoımasy qurylysynyń óńir úshin strategııalyq mańyzy bar ekenin aıtty.
«Jobany júzege asyrý óńirdegi aýyl sharýashylyǵyn damytýǵa, ónimdilikti arttyrýǵa jáne jergilikti sharýalardy turaqty sýmen qamtamasyz etýge septigin tıgizedi, sonymen qatar oblystyń ekonomıkalyq damýyna eleýli úles qosady», dedi mınıstr.
Aıta keteıik, jobanyń ınvestısııalyq usynysy ázirlendi, ol Ulttyq ekonomıka mınıstrliginiń maquldaýyna jiberildi.