Qazaqstan Prezıdenti Qasym-Jomart Toqaevtyń tapsyrmasy boıynsha Májilis spıkeri Memleket jáne qoǵam qaıratkeri, akademık Tóregeldi Sharmanovtyń ómirden ótýine baılanysty qoshtasýǵa arnalǵan is-sharaǵa qatysty, dep habarlaıdy Egemen.kz Májilistiń baspasóz qyzmetine silteme jasap.
Qoshtasý rásiminde sóz sóılegen Erlan Qoshanov Memleket basshysynyń kóńil aıtý hatyn oqyp berdi.
«Tóregeldi Sharmanuly búkil sanaly ǵumyryn ult densaýlyǵyna arnaǵan biregeı tulǵa, bıik parasat ıesi edi. Otandyq medısınanyń alǵa basýyna bar qajyr-qaıratyn jumsap, kóptegen ıgi iske bastamashy boldy. Qazaq taǵamtaný ǵylymynyń kókjıegin keńeıtip, Dúnıejúzilik densaýlyq saqtaý uıymy, IýNISEF jáne basqa da halyqaralyq uıymdarmen yntymaqtastyq baılanys ornata bildi. О́ziniń jańasha mektebin qalyptastyryp, ulaǵatty urpaq tárbıeledi. Aınalasyna syıly, ǵıbratty ǵumyr keshken Tóregeldi Sharmanulynyń jarqyn beınesi halqymyzdyń júreginde máńgi saqtalady», delingen Prezıdenttiń kóńil aıtý hatynda.