Almatyda Halyq qaharmany Saǵadat Nurmaǵambetovtiń týǵanyna 100 jyl tolýyna oraı eske alý sharalary ótti. Batyr turǵan úıdegi eskertkish taqtaǵa gúl shoǵyn qoıýmen bastalǵan saltanat 28 panfılovshy-gvardııashylar saıabaǵynda jalǵasyn tapty.
Eren tulǵany eske alý jıynyna áskerı salanyń ardagerleri, áskerı oqý oryndarynyń kýrsanttary men qaıratkerdiń týystary qatysty. Eń áýeli jıylǵan jurtshylyq Armııa generalyn bir mınýt únsizdikpen eske alyp, sarbazdar saltanatty marshpen júrip ótti. Eskertkish taqta aldynda shákirtteri sóz sóılep, batyr rýhyna qurmet kórsetti.
– О́mirden kóshse de, kóńilden óshpeıtin adamdar bolady. Saǵadat Nurmaǵambetov te dál sondaı, eshqashan umytylmaıtyn alyp tulǵa. Ol – soǵysty basynan ótkerdi, taǵdyrdyń talaı tar soqpaǵynan ótti. Biraq soǵan qaramastan, naǵyz áskerı mamannyń úlgisi bola bildi. Qol astyndaǵylardyń bárine qamqorlyq tanytyp júretin, adamgershiligi, kisige degen qurmeti mol jan edi, – dep aldy otstavkadaǵy general-maıor Pavel Novıkov.
Ofıserler odaǵy birlestiginiń ókilderi, Qarýly kúshterdiń ardagerleri men qala turǵyndary máńgilik alaýǵa gúl shoǵyn qoıdy. Saǵadat Nurmaǵambetovtiń ómir jolyna qatysty mol maǵlumatqa toly beınebaıan kópshilik nazaryna usynyldy. Ǵıbratty ǵumyryn Otanǵa qyzmet etýge arnaǵan tulǵanyń mereıtoıy jyl kóleminde toılanady. Jyl basynan beri Almatyda batyrdyń 100 jyldyǵyna arnalǵan birneshe sporttyq jáne áskerı sharalar ótti.
– Tarıhty jasaıtyn tulǵalar. Árbir salanyń kóshbasynda kásibı biligi, bilimi men tanymy ushqyr azamattar júrse ıgi. Saǵadat Nurmaǵambetovtiń biliktiliginiń, qyraǵylyǵynyń arqasynda elimizde armııaǵa qatysty mańyzdy sheshimder qabyldandy. О́z isiniń has sheberi bolǵany sol, ol tipti polk komandırleriniń tegin jatqa biletin. Áskerı salanyń áleýetin kóterýge, qazaq armııasynyń qýatty kúshke aınalýyna qajyrly úles qosqan qaharmandy keıingiler umytpaýǵa tıis, – deıdi otstavkadaǵy general-maıor Mahmut Teleǵusov.
ALMATY