«Bolashaqta» boı kóteretin baspana

Jylyoı aýdandyq ekonomıka jáne qarjy bóliminiń basshysy Janar Dúsi­po­vanyń málimetinshe, sý tasqynynan zar­dap shekken turǵyndardan 2 639 ótinish tús­ken. Turǵyndarǵa búlingen úılerdi baǵa­laý jáne tehnıkalyq zerdeleýge baılanysty 2 583 qorytyndy berilgen.

«Qulsary qalasynyń 1 594 turǵyny ótemaqy alý týraly keli­sim­shartqa qol qoıdy. Jergilikti 1 165 tur­ǵynǵa ótemaqy qarjysy tólendi. Onyń ishinde 722 turǵyn baspana satyp alý, 443 adam turǵyn úıin jóndeý-qal­py­na keltirý úshin tólem aldy», deıdi J.Dúsipova.

Máselen, Qulsary qalasynyń turǵyny Segiz Berdiqulov sarapshylardyń búlin­gen múlikti baǵalaý qorytyndysyna keli­simin berip otyr. Sol sebepten endi Jy­lyoı aýdanynyń ákimdigine júginip, ótem­aqyny aqshalaı alǵysy keledi. Al 5-ýchas­kede turatyn Qojantaı Dáýitovke de baǵa­laý komıssııasynyń qorytyndysy be­rilg­en.

«Tasqyn sýdan búlinip qalǵan múlik­terimdi ádil baǵalady dep oılaımyn. Endi baǵalaý qorytyndysyna sáıkes tóle­ne­tin qarjymen úıimdi tolyq qalpyna kel­tirýdi oılastyryp otyrmyn», deıdi Q.Dáýitov.

Turǵyndardyń arasynda úıine jóndeý júrgizýdi qolǵa alǵandar bar. Sonyń biri – 74 jastaǵy ardager temirjolshy Aıt­baı Shaıpahov. Uzaq jyldan beri Qul­sary qalasyndaǵy 4-ýchaskede turatyn zeı­net­kerdiń 2018 jyly salynǵan úıin sý basqan.

«О́temaqyǵa berilgen qarjyǵa qajetti mate­rıaldardy satyp alyp, jóndeý jumy­syn bastaǵan edik. Úıimizdiń ishki bóligin 15 kúnde tolyq jóndeýden ótkizdik. Burynǵy esikterdi jańasymen almastyryp, edenine lınoleým tósedik. Endi úıdiń syrtqy bóli­gine jóndeý júrgizemiz», dep alaqanyn ysqylap otyr A.Shaıpahov.

Onymen bir ýchaskede turatyn Násip­baı Saǵynbaevtyń úıi qulap qalǵan. Otba­syndaǵy 5 balasymen kıiz úıde turǵanyna eki aıǵa jýyqtady.

«Otbasymyzben eski úıde turǵan edik. Sol úıge 1989 jyly kóship kelgenbiz. Keıingi 5-6 jyldan beri jınaǵan qar­jyma qury­lys materıaldaryn ákelip, úıim­niń qasy­nan jańa baspananyń qabyr­ǵasyn kóterip qoıǵanmyn. Qazir ótemaqynyń qarjy­syn aıaqtalmaı qalǵan úıdiń qurylysyna jum­­saýdy kózdedim. Jumysshylar kómekke keldi. Olar úıdiń shatyryn jabýdy bastady. «Qystyń qamyn jaz oıla», degendeı osy bas­tan qamdanýdamyz. Balalar ósip keledi. Sol sebepten qulaǵan úıim turǵan jer telimin ózime qaldyrdym. Aldaǵy ýaqytta balalarym sol jerge úı salýy múmkin», dep jos­parymen bólisti N.Saǵynǵalıev.

Atyraý oblysy ákiminiń orynbasary Jasulan Bısembıevtiń aıtýynsha, tasqyn sýdyń saldarynan búlingen áleýmettik nysandar da bar. Máselen, Bilim-ınnovasııa lıseıi men «Saltanat» balabaqshasynyń ǵı­maraty apatty dep tanylyp otyr. Sol se­bep­ten bul bilim ordalary úshin jańa ǵıma­rat salynady. Taǵy bir mektep pen bir bala­baqsha nysanyna kúrdeli, 3 bilim ordasy men 1 balabaqshanyń ǵımaratyna jóndeý júr­giziledi.

«Qazir Qulsary qalasyndaǵy «Bola­shaq» shaǵyn aýdanynda jańadan saly­natyn 100 turǵyn úıdiń irgetasyn quıý jumysy bastaldy. Qyrkúıek aıynda paı­dalanýǵa beriletin 80 úıdi «Qazaqstan hal­qyna» qoǵamdyq qorynyń qarajaty ese­binen salý josparlanyp otyr. Al 20 úıdiń qu­rylysyn júrgizýge jergilikti bıýdjetten qarjy bólinedi», deıdi J.Bısembıev.

Oblystyq qurylys basqarmasynyń bas mamany Ernar Qadyrbaıdyń deregine qaraǵanda, arnaıy bólingen jer teliminde beton tóseý jumysymen qatar irgetas, monolıt quıý atqarylyp jatyr. Qurylys alańynda ekskavator, avtotıeýish, avto­aý­darǵysh, avtokran sekildi basqa da tehnı­kalar tartyldy. Jańa baspanalardyń qu­ry­lysyn júrgizýge jergilikti jerden qa­jetti ınertti jáne ózge de materıaldar tabylyp otyr. «Qazaqstan halqyna» qorynyń talaptaryna sáıkes, qurylysty júrgizetin merdigerler jergilikti mekemelerden tańdalǵan.

«Ár turǵyn úıdiń jalpy kólemi 100 sharshy metrdi quraıdy. Jobaǵa sáıkes jańa úılerde 5 bólme bolady. Oǵan qosa úıdiń ishinde sanıtarlyq torap qarastyrylǵan. Turǵyn úı qurylysyna jumys kúshin tartý boıynsha lımıt sany kóbeıtildi. Qurylys jumystaryn «Orlan», «Armandastar-Atyraý» jáne «Kazkomservıs» JShS júr­gi­zý­di qolǵa aldy. Bul kompanııalardyń árqaısysyna 50-ge jýyq jumysshy tartylyp otyr», dedi E.Qadyrbaı.

Atyraý oblysy