Qaraǵandy oblysynyń polıseıleri men bank qyzmetkerleri oblys turǵynynyń alaıaqtarǵa aqsha aýdarýyna tosqaýyl qoıýǵa tyrysty. Alaıda zeınetker alaıaqtardyń sózine senip, olarǵa 750 myń teńge aýdarǵan, dep habarlaıdy Egemen.kz.
Quqyq qorǵaý organdary ekinshi deńgeıli banktermen birlese otyryp, ınternet-alaıaqtyqtyń aldyn alý boıynsha turǵyndarmen belsendi jumys júrgizip jatyr. Alaıda alaıaqtardyń arbaýyna kóp jaǵdaıda zeınet jasyndaǵy qart adamdardyń túsip jatqany qynjyltady.
Máselen, Qaraǵandy oblysynyń 78 jastaǵy turǵynyna belgisiz bireý qońyraý shalyp, nátıjesinde zeınetker oǵan 750 myń teńge aýdaryp jibergen. Kıberpolısııaǵa banktiń qaýipsizdik tobynan qońyraý tústi. Polıseıler men bank ókilderiniń ótinishine qaramastan, zeınetker aqshany aýdaryp jibergen. Keıin bolǵan oqıǵanyń jaı-japsaryn túsingen zeınetker, aqshasyn jymqyryp ketken belgisiz bireýdi jaýapqa tartý úshin aryz jazdy.
Polıseıler bank qyzmetkerleri men quqyq qorǵaý qyzmeti telefon soǵyp, bank kartasynyń málimetteri men SMS kodtaryn suramaıtynyn eske saldy.
Qyrmyzy JUMAǴALIQYZY,
EUÝ stýdenti