Elimizdiń toǵyz oblysynda aýqymdy seısmıkalyq daıyndyq jumystary júrgiziledi, dep habarlaıdy Egemen.kz Tótenshe jaǵdaılar mınıstrliginiń baspasóz qyzmetine silteme jasap.
«Jer-2024» oqý-jattyǵýlary 3 jáne 4 maýsymda Almaty, Shymkent, Abaı, Jetisý, Almaty, Shyǵys Qazaqstan, Jambyl, Qyzylorda, Túrkistan oblystarynda ótedi. Oqý-jattyǵýdy úılestirý jónindegi respýblıkalyq shtab Shyǵys Qazaqstan oblysynyń О́skemen qalasynda ornalasqan.
3 maýsym saǵat 10:00-de joıqyn jer silkinisine ushyraý múmkindigi bar atalǵan óńirlerde «Barshanyń nazaryna!» sırena-sóıleý qurylǵylary iske qosylady. Sondaı-aq adam kóp jınalatyn obektilerde seısmıkalyq jattyǵýlar ótkiziledi. Oqý-jattyǵý azamattyq qorǵaýdyń memlekettik júıesiniń joıqyn jer silkinisi nátıjesinde týyndaǵan tótenshe jaǵdaıdy joıýǵa daıyndyq deńgeıin arttyrý maqsatynda júrgizilmek.
Atalǵan is-shara respýblıkalyq jáne óńirlik azamattyq qorǵaý qyzmetteriniń, jergilikti atqarýshy organdardyń qatysýymen, shartty túrde joıqyn silkinis kezindegi is-áreketterdi pysyqtaý arqyly ótkiziledi.
Onyń barysynda avarııalyq-qutqarý jumystary, zardap shekken turǵyndardy shuǵyl qabyldaý pýnktteri, olardy qabyldaý men kómek kórsetýge arnalǵan palatkalyq lagerler men dalalyq medısınalyq aýrýhanalar tanystyrylady.
Altynaı ABDYSh,
L.N. Gýmılev atyndaǵy EUÝ stýdenti