Halyqaralyq balalaryn qorǵaý kúni qarsańynda «Báıterek» holdınginiń enshiles uıymy - Otbasy bank kishkentaı salymshylarynyń jınaqtary týraly málimetter keltirdi, dep jazady Egemen.kz.
О́tken jyldyń kúzinde búkil el Qazaqstannyń 20 mıllıonynshy azamattary atanǵan balalardy quttyqtaǵany belgili. Sol kezde dúnıege kelgen qazaqstandyqtar men olardyń ata-analaryn Otbasy bank te qoldady. Ár balaǵa nomınaly 2 000 000 teńge bolatyn sertıfıkattar tabystaldy. Jańa týylǵan balalardyń ata-analary atalmysh sertıfıkattardy iske qosyp, qarajatty jınaý jáne odan ári baspana satyp alý úshin sábılerdiń jınaq shottaryna aqsha aýdarǵany belgili boldy. Arasyndaǵy bir otbasy tórtinshi bala bolyp týǵan uldardyń syılyq qarajatyn barlyq balalarynyń arasyna ádil bólip, olardy Otbasy bankindegi shottaryna aýdarǵan.
Osylaısha bul balalar Otbasy bankiniń jas salymshylarynyń qataryn tolyqtyrdy. Búgingi tańda bankte 18 jasqa deıingi balalarǵa 360 000 jınaq shoty ashylǵan.
Bıylǵy jyldan bastap Otbasy bank qazaqstandyqtarǵa turǵyn úı jaǵdaıyn jaqsartýǵa ǵana emes, bilim alýǵa da qarajat jınaqtaýǵa kómektesedi. Ony «AQYL» depozıtiniń kómegimen iske asyrýǵa bolady.
Qazirgi tańda Otbasy banktegi «AQYL» depozıtiniń eń kishkentaı ıesi – Aqtaýlyq eki aptalyq náreste. Ol otbasyndaǵy tórtinshi bala. Jýyrda ǵana ata-anasy Otbasy bank kómegimen baspana alyp, qonys toılaryn atap ótken. Endi olar bolashaqta balasynyń sapaly bilim alýy úshin bankte qaıta shot ashyp, aqsha jınaýǵa kirisken.
«AQYL» depozıtiniń eń úlken salymshysy – Jańaózenniń 60 jasar zeınetkeri. Ol jınaqtalǵan aqshasyn 3 jasqa endi tolǵan nemeresine tabystaýdy kózdep otyr. Ájesi bul qarajat úıdiń kenjesi jaqsy bilim alýyna kómektesetinine senimdi.
Sondaı-aq, «AQYL» depozıti kópbalaly otbasylar arasynda óte tanymal. Otbasy bankte bes, alty nemese jeti balasy bar otbasylar bilim alý qarajatyn óteýge maqsattalǵan shottar ashyp jatyr. Mysaly Tarazda turatyn erli-zaıypty «AQYL» depozıtin ashý boıynsha jaqynda rekord ornatty. Úsh qyz jáne bes ul tárbıelep otyrǵan otbasy 8 balasynyń árqaısysyna bilim depozıtin ashqan.
Balalarynyń bolashaǵyn ózgelermen salystyrǵanda eń kóp oılaıtyn ata-analar Shymkentte, Mańǵystaý oblysy men Almatyda turady eken. О́ıtkeni, dál osy óńirlerde bilim alý depozıtteri basqa óńirlerge qaraǵanda jıirek ashylady eken.
«Osy jyly Otbasy bank memlekettik bilim berý jınaqtaý júıesiniń qatysýshysy boldy. Endi biz qazaqstandyqtarǵa turǵyn úıge aqsha jınap qana qoımaı, bilim alýǵa qarajat únemdeýge de kómektesemiz. Mamyr aıyndaǵy sońǵy qońyraý kezinde jáne balalardy qorǵaý kúni qarsańynda biz jańa ónimimizge degen úlken suranys pen qyzyǵýshylyqty kórip otyrmyz. Kún saıyn qazaqstandyqtar 150-ge jýyq bilim berý depozıtterin ashady. Tórt aıdyń ishinde, aqpannan mamyrǵa deıin, bizde 17 000 «AQYL» salymshary ashyldy. Bul – ata-analar uldary men qyzdarynyń bolashaq tárbıesine sanaly túrde qaraıdy degen sóz. Bizdiń jańa ónimimiz olardyń kóńilderinen shyqty. Mysaly, qazir Otbasy bankindegi «AQYL» depozıtteriniń birinde jınaqtardyń eń kóp somasy 2,4 mln teńgege teń», dep «Otbasy bank» AQ Basqarma tóraıymy Lázzat Ibragımova túsindirip ótti.
«AQYL» depozıtine qarajatty aldyn ala, josparly túrde jınaqtaı otyryp, bolashaqta qazaqstandyq nemese sheteldik bilim berý uıymdarynda oqý aqysyn tóleýge bolady.
«AQYL» salymyn 3 jyl nemese 5 jyl merzimge ashylady. Eger depozıt keminde úsh jyl merzimge ashylatyn bolsa, onda depozıt boıynsha mólsherleme jyldyq 12%-ǵa teń (JTSM 12,9%-dan 13,1%-ǵa deıin). Eger depozıt keminde 5 jylǵa ashylatyn bolsa, onda depozıt boıynsha mólsherleme jyldyq 9,5%-ǵa teń (JTSM 9,5%-dan 10,1%-ǵa deıin).
Eń mańyzdysy, bank qosqan syıaqy aı saıyn kapıtaldandyrylady. Bul bank paıyzy depozıt somasyna qosylatyndyǵyn jáne kelesi aıda osy aqshaǵa jańadan syıaqy esepteletinin bildiredi.
Bul depozıttiń eń úlken artyqshylyǵy. Merzimi, paıyzdyq mólsherlemesi jáne kapıtaldandyrylýy jıyntyq túrde salymdy tıimdi túrde kóbeıtedi.
Mysaly, eger siz úsh jyl boıy aı saıyn 20 myń teńgeden salyp otyrsańyz, onda «AQYL» depozıtindegi jınaqtar, óz salymdaryńyzdy eseptemegende, shamamen 250 myń teńgeni quraıdy. Eger siz on jyl boıy aı saıyn 20 myń teńgeden salsańyz, onda óz salymdaryńyzdy eseptemegende, depozıttegi qarajat shamamen 4 mln teńgeni quraıdy.
Balalardyń bilimine qarajat jınaqtaý kezinde memleket tarapynan qandaı kómek kórsetiledi?
- jyl saıyn salymshylardyń barlyq sanattary úshin 5% mólsherinde syılyqaqy qosylady;
- jyl saıyn jetim balalarǵa, ata-anasynyń qamqorlyǵynsyz qalǵan balalarǵa, múmkindigi shekteýli balalarǵa, kópbalaly jáne tabysy tómen otbasylardyń balalaryna ashylǵan depozıtterge 7% mólsherinde syılyqaqy qosylady.
Memlekettik syılyqaqy eseptelýi úshin salym bir jyl jınaqtalýy tıis.
«AQYL» depozıtin ashý kezindegi mindetti bastapqy jarna mólsheri 3 AEK-ke nemese 11 076 teńgege teń (2024 jyly). Ári qaraı, depozıtti aı saıyn tolyqtyrý mólsherin salymshy óz betinshe belgileıdi.
«AQYL» depozıtin qalaı ashýǵa bolady?
- Baspana market portalyndaǵy (otbasybank.kz) jeke kabınette;
- bank bólimshelerinde;
- banktiń keńes berýshileri kómegimen. Olardyń tizimin bank saıtynda tabýǵa bolady.
- bank saıtynda beıne-qońyraý qyzmetine tapsyrys berý arqyly;
- Otbasy banktiń «Otbasy bank lite» jańa mobıldi qosymshasynda.
«AQYL» depozıtiniń artyqshylyqtary:
- memleket pen úshinshi tulǵalardyń óndirip alýlarynan qorǵalǵan, ıaǵnı bul shotty buǵattaý nemese odan qarajat alý múmkin emes.
- Qazaqstandyq depozıtterge kepildik berý qorynda saqtandyrylǵan;
- grantqa ıe bolǵan jaǵdaıda, jınaqtaý depozıtin jaýyp, memlekettik syılyqaqymen birge jınaq aqshanyń búkil somasyn alýǵa bolady. Sondaı-aq, shotty basqa balaǵa qaıta resimdeýge nemese magıstratýraǵa túsý maqsatynda jınaqtaýdy jalǵastyrýǵa bolady.
- Otbasy banktegi «AQYL» depozıtin Ulttyq qordan alynǵan jınaqtarmen tolyqtyrýǵa bolady. Bıyl 18 jasqa tolǵan qazaqstandyqtar osy tólemderge ıelik ete alady. Ony «Ulttyq qor – balalarǵa» jobasy aıasynda enpf-otbasy.kz platformasynda iske asyrýǵa bolady.