Prezıdent Qasym-Jomart Toqaev otandyq ǵalymdarmen kezdesýinde qoǵamdaǵy barlyq úderister men salalardy odan ári sıfrlandyrýǵa erekshe nazar aýdarý kerek ekenin jetkizdi, dep habarlaıdy Egemen.kz Aqordaǵa silteme jasap.
«Bizge ekonomıkamyzdyń asa mańyzdy salalary úshin ınnovasııalyq jobalar men utqyr sheshimder qajet. Eń aldymen, qoǵamdaǵy barlyq úderister men salalardy odan ári sıfrlandyrýǵa nazar aýdarý kerek. Bul oraıda jas ǵalymdardyń, ınjenerler men kásipkerlerdiń áleýetin biriktirý mańyzdy ról atqarady», dedi Prezıdent jıyn barysynda.
Memleket basshysynyń sózinshe, Qazaqstan óz múmkindigin múlt jibermeı, álemdik tehnologııalyq básekedegi pozısııasyn nyq ornatý kerek.
«Bilimge negizdelgen ekonomıka joǵary tehnologııalyq bıznes týraly pikirimizdi túbegeıli ózgertti. Búginde orasan zor kapıtal nemese qyzmetkerlerdiń kóptigi emes, biregeı ıdeıalardy týdyryp, olardy júzege asyra bilý qabileti basty artyqshylyq sanalady. Al ol jastardyń, ózgeristerden qoryqpaıtyn tabandy ári batyl adamdardyń, sonyń ishinde ǵalymdardyń qolynan keledi. Álemdegi Google, Microsoft, Apple sııaqty kóptegen tehnologııalyq alpaýyttardyń negizin stýdentter qalaǵan. Bizdiń elimizde de talantty komandalar paıda bolady jáne olar jahandyq naryqta kósh bastaıtyn IT-kompanııalar qurady dep senemin. О́z múmkindigimizdi múlt jibermeı, álemdik tehnologııalyq básekedegi pozısııamyzdy nyqtaı túsý qajet», dep túsindirdi Qasym-Jomart Toqaev.
Odan bólek, Prezıdent elimizde jasandy ıntellektini damytýǵa qolaıly jaǵdaı jasaý qajet ekenin tilge tıek etti.
«Qarjy tehnologııasy men elektrondy úkimet salalaryn damytýda aıtarlyqtaı ilgeriledik. Alaıda munymen toqtap qalýǵa bolmaıdy. Qazaqstan Eýrazııadaǵy eń iri sıfrlyq habtardyń birine aınalýǵa tıis. Oǵan elimizdiń áleýeti tolyq jetedi. Maqsatqa jetý úshin jasandy ıntellektini barlyq salaǵa jyldam engizý qajet. Qazir álem ekonomıkasyndaǵy ozyq tehnologııalardyń úlesi artyp keledi. Sarapshylar onyń kólemi 2030 jylǵa qaraı 16 trıllıon dollarǵa jetedi dep boljap otyr. Biz osy kóshtiń basynda bolýymyz kerek. Ol úshin jasandy ıntellektini damytýǵa tezirek qolaıly jaǵdaı jasaǵanymyz durys. Bul qadam ekonomıkany ornyqty damytýǵa tikeleı áser etedi. Sondaı-aq elimizdiń tehnologııalyq táýelsizdigin saqtaýǵa yqpalyn tıgizedi», dedi Memleket basshysy.
Aıta ketsek, qazir osy salanyń ınfraqurylymyn damytý úshin naqty is-sharalar kesheni qolǵa alyndy. Máselen, sýperkompıýter jasaýǵa qatysty jumys júrgizilip jatyr. Bolashaqta memlekettik organdarmen qatar, ǵylymı qaýymdastyq pen bıznes te onyń ıgiligin kóredi degen jaǵymdy boljam bar. Alaıda jasandy ıntellektini damytý isinde eldiń kadrlyq áleýeti mańyzdy ról atqarady. Osy oraıda Prezıdent bilikti mamandardyń qataryn kóbeıtý qajet ekenin aıtty.
«Joǵary oqý oryndary bul jumyspen myqtap aınalysýy qajet. Búginde álemniń jetekshi ýnıversıtetteriniń bilim berý úderisinde praktıkaǵa basymdyq beriledi jáne stýdentterdiń jańashyldyqqa umtylyp, startaptar ázirleýine jaǵdaı jasalǵan. Elimizdiń oqý oryndary osyndaı ádisten úlgi alýy kerek dep oılaımyn. Ásirese, mashınalyq úıretýdi damytý mańyzdy. Bul saraptama jasaý jáne muqııat pysyqtalǵan sharalar qabyldaý úshin ozyq tásilderdi ıgerýge yqpal etedi. Biraq atalǵan tehnologııany keń kólemde engizýmen qatar muqııat zerdeleýdi jáne jaýapkershilikti qajet etetin jańa syn-qaterler de paıda bolady. Eń aldymen, jasandy ıntellektini damytý, qoldaný isinde ashyqtyq pen etıkaǵa saı bolý máselelerine basa mán bergen jón», dedi Qasym-Jomart Toqaev.
Memleket basshysy óz sózinde kıberqaýipsizdik salasynda da bilikti maman daıarlap, ozyq zertteý jumystaryn júrgizý qajet ekenin qosa aıtty.
«Derekterdiń tarap ketýi óz aldyna bólek qaýip. Sıfrlandyrý dáýirinde málimetter saf «altynǵa» aınalady. Sondyqtan olardy tolyqqandy qorǵaý máselesiniń mańyzy zor. Búginnen bastap kıberqaýipsizdik salasynda maman daıarlap, ozyq zertteý jumystaryn júrgizý qajet. Jalpy qazir kóz aldymyzda álemdik ekonomıkada tehnologııalyq turǵydan aıtarlyqtaı ózgerister oryn alyp jatyr. Ǵalamdyq deńgeıde energııanyń jańartylatyn jáne balamaly túrlerin kóbirek paıdalanýǵa negizdelgen qýat kózine kóshý qarqyn aldy», dep qosty Prezıdent.