1 maýsym túnde shaqyrtýmen jetken jedel járdem qyzmetkerine mas er adam shabýyldaǵan, dep jazady Egemen.kz.
Medısına qyzmetkerlerin otbasylyq janjaldan zardap shekken áıel shaqyrǵan.
Alaıda olar kelgende agressor er adam áreketin toqtatpaı, dárigerdi balaǵattap, pyshaqpen qorqytqan.
«Pyshaqty alyp qorqytyp, bólmeni jaýyp, feldsherge judyryǵyn alyp júgirgen. Medısına qyzmetkerleri 102 shaqyrǵan.Polısııa jasaǵy er adamdy dereý ustap, «Almaty» aýdany polısııa basqarmasyna jetkizdi. Pyshaq tárkilenip alyndy», delingen Astana qalalyq polısııa basqarmasynyń habarlamasynda.
Medısınalyq saraptama 25 jastaǵy jigittiń masań kúıde bolǵanyn naqtylady.Aıyptalýshyǵa qatysty ákimshilik is qozǵalyp, ýaqytsha ustaý ızolıatoryna qamaldy.