Ońtústik Koreıanyń Ortalyq memlekettik kitaphanasynyń qory qazaqsha kitaptarmen tolyqty. Rýhanı muralardy elimizdiń Koreıadaǵy Tótenshe jáne ókiletti elshisi Nurǵalı Arystanov tabys etti.
Endi jergilikti oqyrmandar hakim Abaı shyǵarmashylyǵymen tanysyp, Qanysh Sátbaev týraly maǵlumatqa qanyǵyp, Qazaqstan tarıhyn, mádenıeti men ónerin, sondaı-aq Prezıdent qyzmeti týraly tereńirek bile alady.
Atalǵan kitaphanada 14 mıllıon 250 myńnan astam kitap pen 19 mıllıonnan astam sıfrlanǵan materıal saqtalǵan. Ondaǵy mamandar kitaphana isine jańa tehnologııalardy engizý tájirıbesimen bólisýge daıyn.
«Delegasııalarmen almasýǵa kelistik. Jaqyn arada kitaphana mamandary delegasııa jiberip, Qazaqstandaǵy áriptesterimen ózderiniń ozyq tehnologııalarymen bólisetin bolady. Odan keıin bizdiń kitaphanashylarǵa osy jerde trenıngter ótkizip, maman daıarlaýǵa da óz nıetterin bildirip otyr», deıdi Qazaqstannyń Koreıa Respýblıkasyndaǵy Tótenshe jáne ókiletti elshisi Nurǵalı Arystanov.