Qostanaı oblysynda daýyldy jel soǵyp, ǵımarattardyń shatyryn ushyryp jiberdi, dep habarlaıdy Egemen.kz.
Oblystyq TJD-niń habarlaýynsha, Qostanaı oblysynyń Meńdiqara aýdanynda qatty jeldiń saldarynan kolledj ǵımaratynyń 132 sharshy metr aýmaqta shatyry julynyp ketken. Sondaı-aq 50 sharshy metr aýmaqty alyp jatqan jataqhananyń shatyry da jartylaı julynǵan. Qurbandar men zardap shekkender joq.
Eske sala keteıik, buǵan deıin sınoptıkter Qostanaı oblysynda aýa raıyna baılanysty eskertý jasap, daýyl soǵatynyn jarııalaǵan edi. Keıin Meńdiqara aýdany Borovskoe aýylynyń turǵyndary aýylda burshaq jaýǵanyn habarlady.
Qyrmyzy JUMAǴALIQYZY,
EUÝ stýdenti