QR Mádenıet jáne aqparat mınıstrligi keńestik mýltfılmderdi qazaq tiline aýdaryp, dýblıajdaýdy kózdep otyr, dep habarlaıdy Egemen.kz.
Mádenıet jáne aqparat vıse-mınıstri Qanat Ysqaqov vedomstvo keńestik mýltfılmderdi qazaq tiline aýdarý máselesin qarastyryp jatqanyn málim etti.
«Keńestik mýltfılmder ózekti bolǵan dáýirdiń sońy men quldyraýyn biz de kórgenimizdi eskersek, meniń jeke kózqarasym boıynsha, olar kóbinese eńbek, jaqyn adamdarǵa degen qurmet, týǵan jerge degen súıispenshilik qundylyqtaryn nasıhattaıdy. Biz bul baǵytta jumys isteımiz dep sheshtik. Keńestik mýltfılmderdi jaı ǵana translıasııalaýdy emes, muraǵattan memlekettik tilge aýdarýdy júzege asyramyz. Olardy áleýmettik jelide de taratamyz, óıtkeni óskeleń urpaqtyń kóp bóligi 3 jastan 18 jasqa deıingi balalar áleýmettik jelilerde otyrady. Sondyqtan aýdarma men dýblıaj máselesin mindetti túrde óz baqylaýymyzǵa alamyz», dep túsindirdi Qanat Ysqaqov.
Qyrmyzy JUMAǴALIQYZY,
EUÝ stýdenti