Taldyqorǵan qalasynda polıseı sýǵa batyp bara jatqan balany qutqaryp qaldy, dep jazady Egemen.kz.
6 maýsymda saǵat 15:43 shamasynda Sanat Serikqalıuly qaladaǵy saıajaılardyń birinde demalysta júrgende sýǵa batyp bara jatqan 11 jasar balany aman alyp qaldy.
Patrýldik polısııanyń rota ınspektory ózenge jetkende jasóspirim demala almaı, kógerip ketken bolatyn. Ol balany sýdan alyp shyǵyp, alǵashqy medısınalyq kómek kórsetý arqyly dem alysyn qalpyna keltirgen.
Odan soń bala aýrýhanaǵa jetkizildi. Dárigerler polısııa qyzmetkeriniń der kezinde kórsetken kásibı áreketi balanyń ómirin saqtap qalǵanyn rastady.«Meniń bul áreketim tańǵalarlyqtaı batyrlyq emes, kez-kelgen adamnyń jasaıtyn áreketi dep oılaımyn. Men óz mindetimdi atqardym. Adamdardy qorǵaý men kómekke kelý meniń basty paryzym», dedi Sanat Serikqalıuly.