Almatyda Júrgenov kóshesiniń boıyndaǵy aýmaqta kólik qozǵalysy shekteledi, dep habarlaıdy Egemen.kz.
«Almaty jylý jelileri» JShS habarlaýynsha, qalanyń Medeý aýdanynda maýsymnyń 8-i men qyrkúıektiń 15-i aralyǵynda Júrgenov kóshesiniń boıymen Jangeldına kóshesiniń Jetisý kóshesinen Tıan-Shan kóshesine deıingi aralyqtaǵy qozǵalysy jabylady. Eki baǵytta da kólik qozǵalysy shekteledi.
1988 jyly paıdalanýǵa berilgen 695 metrlik qubyrdyń qaıta qurý ýchaskesinde josparlanǵan jumystardyń qaýipsizdigin qamtamasyz etý úshin ýaqytsha shekteýler engizildi.
«Bul qubyr 18 kóppáterli turǵyn úıdi, 61 jeke úıdi, 1 balabaqshany, 1 mektepti jáne 13 ózge de obektilerdi jylýmen jáne ystyq sýmen qamtamasyz etedi. Joǵaryda kórsetilgen tutynýshlar rekonstrýksııa kezinde ystyq sýmen jabdyqtalady», dep málimdedi «Almaty jylý jelileri» JShS.
Qyrmyzy JUMAǴALIQYZY,
EUÝ stýdenti