Jamby atýdan 2007-2009 jylǵy jasóspirimder arasyndaǵy IH el chempıonatynda «Túrki», «Majar» stılderi boıynsha jeńimpazdar belgili boldy, dep habarlaıdy Egemen.kz ulttyqatsport.kz málimetine silteme jasap.
«Túrki» stıli saıysynda júldeli birinshi orynǵa Almaty qalasy mergeni Erǵazy Sársenbaı ıe bolsa, ekinshi oryndy jambyldyq Berikbolsyn Babajan enshilep, úshinshi orynǵa qaraǵandylyq Oralhan Nurasyl turaqtady.
«Majar» stıli boıynsha júldeli birinshi oryndy Túrkistan oblysy mergeni Ǵumyr Lesbek ıelendi. Ekinshi oryn qyzylordalyq Zańǵar Ashanǵa buıyrsa, úshinshi oryndy mańǵystaýlyq Aıdar Ádilgereı enshiledi.
Eske salaıyq, chempıonat Taldyqorǵan qalalyq ıppodromynda 10 maýsymda aıaqtalady.