ASTANA. 25 sáýir. Búgin tańerteń Nepalda Rıhter shkalasy boıynsha 7,9 baldyq jer silkinisi bolyp, saldarynan 150-den astam adam qaza tapty. Bul týraly belta.by habarlady.
Qazirgi tańda apat qurbandarynyń sany anyqtalýda. Zilzalanyń joıqyn kúshine qarasaq, qurbandar sany áli artýy múmkin. Jaraqat alǵan turǵyndar el astanasy – Katmandý qalasynyń aýrýhanalaryna jetkizilýde. Jergilikti bılik ókilderi kóptegen adamnyń úıindi astynda qalýy múmkin ekenin aıtýda. Qazirdiń ózinde apat saldarynan Katmandýdaǵy eski munara qırap, astynda ondaǵan adamnyń qalyp qoıǵany belgili boldy.
Tótenshe jaǵdaıdan Nepalmen kórshi jatqan Úndistanǵa da aıtarlyqtaı zalal keldi. Atalǵan elde tabıǵat apatynan 11 adam qaza tapsa, 80-nen astamy jaraqat alǵan.
Kýágerlerdiń aıtýynsha, Nepalda jerasty dúmpýleri áli jalǵasýda. Sońǵy úsh saǵattyń ishinde 10-nan astam joıqyn dúmpýler tirkelgen.
Mundaı magnıtýdaly jer silkinisi Nepalda sońǵy 80 jylda bolmaǵan. Zilzaladan el astanasy men onyń aınalasyndaǵy eldi mekenderde ondaǵan úıler qırap qaldy. Sondaı-aq, júzdegen úıge zaqym kelip, tasjoldarda tereń jaryqtar paıda boldy. Odan bólek, uıaly baılanys pen elektr jelilerine de aıtarlyqtaı zııan kelgen.
Elaman Qońyr.
Derek: belta.by.
Sýret: twitter.com.