Qazaqstan Koreıanyń Ortalyq Azııa óńirindegi eń iri saýda jáne ınvestısııa seriktesine aınaldy. Bul týraly Koreıa Respýblıkasynyń Prezıdenti Iýn Sok Iol «Egemen Qazaqstan» gazetine bergen suhbatynda aıtty, dep habarlaıdy Egemen.kz.
«Koreıa men Qazaqstan 1992 jyly dıplomatııalyq qatynas ornatqaly beri etene yntymaqtastyq baılanysty damytyp keledi. Dıplomatııalyq qatynas bastalǵan sátten beri eki el arasyndaǵy saýda kólemi 500 eseden astam ulǵaıdy. Nátıjesinde, Qazaqstan Koreıanyń Ortalyq Azııa óńirindegi eń iri saýda jáne ınvestısııa seriktesine aınaldy», dedi Koreıa Prezıdenti.
Onyń aıtýynsha, eki el arasyndaǵy yntymaqtastyqtyń serpindi keńeıýine qos memlekettiń birin-biri tolyqtyrýshy ónerkásiptik qurylymǵa ıe bolýyn, al berik senimdi qarym-qatynastarǵa aralas sıkldi Qarabatan JES jáne Úlken Almaty aınalma avtomobıl joly (ÚAAAJ) sııaqty ortaq tabystardy mysalǵa keltirýge bolady.
«Eki el arasyndaǵy ekonomıkalyq yntymaqtastyqty qoldaýdyń ınstıtýsıonaldyq bazasy ótken jyly Saýda men ınvestısııalardy ilgeriletý týraly negizdemelik kelisimge (TIPF) qol qoıý arqyly kúsheıtildi. Bul sapar mańyzdy mıneraldar, óńdeý ónerkásibi jáne ınfraqurylym sııaqty salalardaǵy yntymaqtastyqtyń naqty nátıjelerine qol jetkizýge múmkindik beredi dep oılaımyn», dedi Iýn Sok Iol.
Qazaqstanǵa memlekettik sapary qarsańynda Koreıa Respýblıkasynyń Prezıdentiniń «Egemen Qazaqstan» gazetine bergen suhbatynyń tolyq nusqasyn myna silteme arqyly oqı alasyz.