«Mańǵystaý» zymyran-artıllerııalyq kemesiniń ekıpajy ashyq teńizge shyǵyp ketken eki adamdy qutqardy. Olar 4 saǵattan keıin jaǵadan 10 shaqyrym aımaqtaǵy «Jartasty» múıis mańynan tabyldy, dep jazady Egemen.kz.
«Mańǵystaý» zymyran-artıllerııalyq kemesiniń ekıpajy jedel kezekshiden sapbord mingen eki adamnyń joǵalǵany týraly habar alǵan soń olardy izdeýge kiristi.
Keme komandıri kapıtan-leıtenant Nurbet Talǵat dabyl alǵannan keıin gıdrometeorologııalyq jaǵdaıdy ekshedi.
«Radıolokasııalyq stansııanyń kómegimen teńiz sektoryn zerttegen áskerı baılanys jáne radıotehnıkalyq qyzmet komandasynyń starshınasy aǵa matros Ázimhan Ámirhanov sergektik pen joǵary jaýyngerlik daǵdylaryn kórsetti», dedi Nurbet Talǵat.
Sapbord mingen jas jigitterde eki adamǵa bir eskek qana bolǵany anyqtaldy. Teńizshiler olardy kemege kóterip, alǵashqy medısınalyq kómek kórsetti. Qutqarylǵan azamattar shuǵyl túrde Aqtaý portyna jetkizildi.