Jylyoı aýdanynda «Sergek», «Arkan», «Integra» qurylǵylary 10-shy maýsymnan bastap tolyqtaı iske qosyldy, dep habarlaıdy Egemen.kz Atyraý oblysynyń TJ jónindegi jedel shtabyna silteme jasap.
Eske salaıyq, oblystaǵy tabıǵı sıpattaǵy tótenshe jaǵdaı boıynsha jedel shtab sheshimimen Qulsaryda tasqyn kezinde 4 sáýirden bastap «Sergek» beınekameralary avtomatty túrde óshirilgen edi.
Qazirgi ýaqytta Jylyoı aýdany aýmaǵynda joldaǵy qaýipsizdikti qamtamasyz etý úshin ornatylǵan beınekameralar sany – 800.