Bárinen buryn «baǵanaly orda basty ordanyń» tazalyǵy asa mańyzdy ekeni – túsinikti jaıt. О́ıtkeni Astana tek qala ǵana emes, az jyldar ishinde úlken týrıstik orynǵa aınalyp úlgergen shahar. Buǵan deıin bas qalamyz álemdegi eń taza astanalardyń otyzdyǵyna kirgen edi.
«The Telegraph» basylymy álemdegi ekologııalyq eń taza qalalardyń tizimin jarııalaǵan. Bul tizim – Dúnıejúzilik densaýlyq saqtaý uıymy málimetteri negizinde jasalady. Ázirge birinshi orynda Shvesııa astanasy Stokgolm tur.
Al qazaq eliniń elordasy – Astana shahary otyzdyqtyń ishinde. Bul meje zor maqtanysh, áıtkenmen ony ustap turý oǵan deıin etken eńbekten kem túspeıtin kúsh-jiger kerek.
Osyǵan oraı, keshe Astana qalasynda ótken «Satisfaction» festıvaliniń qatysýshylary is-sharany ótkizý kezinde qoqys jınap, qala tazalyǵyna atsalysty. Osylaısha, olar «Taza Qazaqstan. Astana – tazalyq pen tártiptiń úlgisi» aýqymdy ekologııalyq aksııasyna qoldaý kórsetti.
Olardyń bul ıgilikti isine rızalyǵyn bildirgen Astana qalasy ákimdiginiń baspasóz qyzmeti: «Jumys tobyna «Satisfaction» aýqymdy jazǵy festıvaliniń tazalyqqa beıjaı qaramaıtyn jáne belsendi qatysýshylary qosyldy», deıdi.
«О́zimizdi mysalǵa keltire otyryp, biz barlyq azamatty tabıǵatqa uqypty qaraýǵa shaqyramyz! Astana bizdiń – bas qalamyz. Halqymyzda «Bulaq basynan tunady» degen sóz bar. Sondyqtan elimizdiń ekologııalyq tazalyǵy elordadan bastalady. Mysaly, Astana qalasynda kún saıyn kóptegen sporttyq jáne de basqa ártúrli is-shara ótedi. Ásirese jaz mezgilinde mundaı sharalar ashyq aspan aıasynda bolady. Sondaı atqarylǵan is-sharadan keıin uıymdastyrýshylar oryndardy tazalap ketýdi úrdiske aınaldyrý qajet dep bilemiz. Bizdiń bul áreketimiz soǵan úlgi, bastamashy bolsaq, «Taza Qazaqstan. Astana – tazalyq pen tártiptiń úlgisi» aýqymdy ekologııalyq aksııasyna qoldaý bildirsek degen oı edi», deıdi festıvalǵa qatysýshylar.