Jaz aılarynda Astana áýejaıy jolaýshylarǵa yńǵaıly bolý úshin paıdalaný erejelerin uzartyp, jyl sońyna deıin engizilgen tehnıkalyq úzilisterdi qysqartady, dep habarlaıdy Egemen.kz QGA baspasóz qyzmetine silteme jasap.
Vedomstvonyń málimetinshe, túngi reıster sany búginnen bastap kóbeıedi.
«Áýe tasymaldaýshylarynyń suranysy negizinde áýejaıdy basqarýshy kompanııanyń tehnıkalyq mamandarynyń jobalyq toby aerodromdaǵy jóndeý prosesin ońtaılandyrdy. Jazda áýe tasymalyna maýsymdyq suranystyń joǵary bolýyna baılanysty jolaýshylarǵa yńǵaıly bolý úshin áýejaıdyń jumys tártibi 14 maýsymnan bastap kúndelikti tehnologııalyq úzilispen (23:00-den 00:30-ǵa deıin) uzartyldy», delingen baspasóz qyzmetiniń habarlamasynda.
Jumystardy júrgizý kezinde áýejaı ushý-qoný jolaǵynyń jumysqa qabilettiligin qamtamasyz etedi. Budan soń aerodrom jabynynyń basqa ýchaskelerinde jóndeý jumystary jalǵasady. Ishki reıster kestesi tez arada qaıta qaralyp, tanymal baǵyttarǵa qosymsha reıster qamtamasyz etiledi.