Kofehanalar men qonaq úılerde jáne qoǵamdyq oryndarda tegin Wi-Fi jelisine qosylý qaýipti. О́ıtkeni hakerler tegin ınternet qoldanýshylardyń jeke derekterine qol jetkizýi múmkin, dep habarlaıdy Egemen.kz Informbıýro agenttigine silteme jasap.
Sarapshylar gadjetke antıvırýstyq baǵdarlama ornatyp, qorǵalmaǵan jeliler arqyly qarjylyq tranzaksııalardy jasamaýǵa shaqyrady.
IT salasy mamandary kıbershabýylshylar aldyn ala tegin Wi-Fi-dy buzyp, daıyn otyratynyn jetkizdi. Kofehana, meıramhana, qonaq úı klıentteri ınternetke qosylǵanda, qaskóılerdiń barlyq derekti qoldaryna túsiretin múmkindigi bar. Sondyqtan da jeke aqparatyńyz jarııa bolyp, esepshotyńyzdaǵy qarajatqa qol suǵý qaýpi basym deıdi kıbershabýyldardy taldaý jáne zertteý ortalyǵy sarashylary.
«Mıtm-shabýyl, domen aýystyrýy múmkin. Sol sebepti tegin Wi-Fi-lardy qaýipsiz dep aıtýǵa bolmaıdy. Internet bankıng, áleýmettik jeli qoldanbaǵan durys. Qandaı da bir sezimtal derekterdi jibermeý kerek. Habarlama ǵana jiberip, Wi-Fi qoljetimdiliginen shyǵý kerek», dedi kıbershabýyldardy taldaý jáne zertteý ortalyǵynyń jobalyq dıreksııa jetekshisi Ernat Atanbaev.
Budan bólek hakerler zııandy baǵdarlamany jalpyǵa ortaq Wi-Fi arqyly paıdalanýshynyń gadjetine engize alady. Atalǵan baǵdarlamalar tegin jeliden ajyratylǵannan keıin de, paıdalanýshynyń jeke derekterin tasymaldaǵannan keıin de jumys isteı beredi. Eger qurylǵyńyzdyń jumys isteýi baıaýlap, ózdiginen qosylyp-óshse nemese qyzyp ketse, telefonyńyzǵa vırýs kirdi degen sóz. Jarnamalar jıi paıda bolyp, megabaıtyńyz ádettegiden tezirek azaısa, alaıaqtardyń shyrmaýyna túskenińizdiń belgisi.