Aıagóz qalasyndaǵy 10810 áskerı garnızonynda bolǵan sarbazdyń ólimi boıynsha qylmystyq is júrgizilip jatyr. Al onyń týǵan-týystary Qorǵanys mınıstrliginiń resmı deregine kúmándanady, dep habarlaıdy Egemen.kz.
21 jastaǵy О́serbeı Aqan bıyl kúzde oralýy tıis edi. Aıdyń-kúnniń amanynda ulymyzdan aıyryldyq degen sarbazdyń týystary oqys oqıǵa boldy degenge senbeıdi.
О́serbaı Aqan Almaty oblysy Qarasaı aýdanynyń týmasy. Úıinde balanyń úlkeni. Byltyr kúzde Otan aldyndaǵy boryshyn óteýge Aıagóz qalasyna ketken. Marqumnyń týǵan-týystary balasynyń denesi tehnıkanyń astynda qalǵanyna senbeıdi.
– Balamdy kórýge meniń aıǵaıymmen, ursýymmen áreń kirdik. Jalǵyz ózimdi máıithanaǵa kirgizdi. Kórdim. BTR-dyń astyna túsip qalǵan deıdi. Bilmeımin. Balam sol qalpynda jatyr. Eger de sondaı aýyr tehnıkanyń astyna túsip qalsa, ezilip qalmaı ma? – deıdi marqumnyń anasy Baný Aqanqyzy 31 arna tilshilerine.
Aıta keteıik, buǵan deıin Qorǵanys mınıstrligi taratqan málimette oqý-jattyǵý barysynda qaýipsizdik erejeleriniń saqtalmaýyna baılanysty Aıagóz garnızonyndaǵy áskerı bólimderdiń biriniń merzimdi qyzmettegi áskerı qyzmetshisi jaraqat alyp, kóz jumǵany aıtylǵany habarlanǵan edi. Qorǵanys mınıstrligi atalǵan fakti boıynsha qyzmettik tekseris taǵaıyndalyp, qylmystyq is qozǵalǵanyn, kináli jáne laýazymdy tulǵalar qylmystyq kodeks jáne tártiptik jarǵy aıasynda tıisti jaýapkershilikke tartylatynyn habarlaǵan.