Shymkent qalasynda spırt zaýytynyń qyzmetin tekserý barysynda, 81 tonnadan astam esepke alynbaǵan spırt óndirý boıynsha zańsyz kásipkerlik qyzmetti júzege asyrý deregi anyqtaldy, dep habarlaıdy Egemen.kz QMA baspasóz qyzmetine silteme jasap.
Esepke alynbaǵan spırt sýrrogat alkogol ónimin óndiretin adamdarǵa satylǵan.
Kóleńkeli ekonomıkaǵa qarsy kúres josparyn oryndaý aıasynda ótken sharalar nátıjesinde anyqtalǵandaı, mereke jáne demalys kúnderi (senbi jáne jeksenbi) esepke alynbaǵan spırtti zańsyz tıep-jóneltýdiń faktileri tirkeldi, bul etıl spırtin saqtaý jáne ótkizý erejesin buzýǵa ákep soqqan (QR QM 20.02.2015 j. «Etıl spırtin saqtaý jáne ótkizý(tıep-jóneltý, qabyldaý) erejesin bekitý týraly» buıryǵy).
Qylmystyq jaýapkershilikten jaltarý maqsatynda atalǵan spırt zaýytynyń basshysy QMA Shymkent qalasy boıynsha departamentiniń laýazymdy tulǵasyna alkogoldi zańsyz satýmen jáne qylmystyq jaýapkershilikten bosatýdaǵy jalpy qamqorlyǵy úshin 20 000 AQSh dollar bir rettik tólem men aı saıyn 1 000 000 teńge somasynda para usynǵan.
Sottyń sanksııasymen kúdikti qamaýǵa alyndy. Tergeý jalǵasyp jatyr.
QR QPK 201-babyna sáıkes tergeý múddesinde ózge de aqparat taratylýǵa jatpaıdy.