Pákistan tarapynyń bastamasymen ótken áńgimelesý barysynda Prezıdent Qasym-Jomart Toqaev pen Premer-mınıstr Shahbaz Sharıf bir-birin Qurban aıt meıramymen quttyqtady, dep habarlaıdy Egemen.kz Aqordanyń baspasóz qyzmetine silteme jasap.
Taraptar ekijaqty qatynastardyń perspektıvti baǵyttaryna aıryqsha mán berdi.
Memleket basshysy eki eldiń kópjaqty yntymaqtastyǵynyń qozǵaýshy kúshine aınalyp kele jatqan ekonomıkalyq kooperasııanyń áleýeti zor ekenin atap ótti.
Budan bólek, Qazaqstan men Pákistannyń halyqaralyq uıymdar aıasyndaǵy yqpaldastyǵyna qatysty máseleler, sonyń ishinde aldaǵy ýaqytta Astanada ótetin ShYU sammıtiniń kún tártibi talqylandy.