Mamyrda elimizdiń kóptegen óńirinde jyldyq ınflıasııa baıaýlap, 8,5% boldy. 16 óńirde báseńdegen jyldyq ınflıasııa 1 óńirde jedeldep, úsheýinde ózgerissiz qaldy. Al eń joǵary máni Qaraǵandy oblysy men Astana qalasynda tirkeldi.
Mamyrda azyq-túlik taýarynyń baǵasy 5,5%-ǵa deıin baıaýlady (sáýirde – 6,3%). Azyq-túlikke jatpaıtyn taýarlar baǵasynyń ósý qarqyny 7,6% bolyp, burynǵy deńgeıde saqtaldy (sáýirde – 7,6%). Eń joǵary mán Mańǵystaý oblysynda (14,2%), tómengi mán Almaty oblysynda (5,5%) tirkeldi.
Sondaı-aq aqyly kórsetiletin qyzmet baǵasy 13,9%-ǵa deıin jedeldedi (sáýirde – 13,5%). Sonymen qatar Qaraǵandy oblysynda (18,0%) baǵa jalpy respýblıkalyq deńgeıden birshama joǵary, Ulytaý oblysynda (8,3%) aıtarlyqtaı tómen ósti.
О́tken aıda el boıynsha aılyq ınflıasııa 0,4%-ǵa ósti, bul – tarıhı ortasha mánnen tómen (2017–2021 jyldardaǵy mamyrda – 0,5%).