21 sáýirden beri Qyzylorda oblysynyń «Qazsýshar» fılıaly óńir dıqandaryna 1,25 mlrd tekshe metr sýarmaly sý jiberdi, dep habarlaıdy Egemen.kz.
Bul týraly О́ńirlik kommýnıkasııalar qyzmeti alańynda málimdegen fılıal dırektory Rollan Ahmetovtiń aıtýynsha, fılıal óńirdiń 866 sharýasymen 123,7 myń ga egis alqabyn sýarý úshin 2,86 mlrd tekshe metr sý berý jóninde kelisimshartqa otyrdy.
Sondaı-aq aımaqta jalpy uzyndyǵy 73,4 shaqyrym bolatyn 22 arna mehanıkalyq ádispen tazalanyp, 19 gıdrotehnıkalyq qurylys pen 15 gıdrobeketke jóndeý-rekonstrýksııalaý jumystary júrgizildi.
«Búginde kúrish alqabynyń 97%-y sýmen qamtamasyz etildi. Syrdarııa ózeniniń tómengi aǵysyna Shardara sý qoımasynan keletin sý kóleminiń ulǵaıýy nátıjesinde Qyzylorda oblysynda sýarý kezeńi josparǵa sáıkes ótip jatyr», dedi R. Ahmetov.