Aqtaýlyq Edgar Mamedov shahmattan Almaty qalasynda ótken Azııa chempıonatynda altyn medal ıelendi, dep habarlaıdy Egemen.kz.
Qala ákimdiginiń baspasóz qyzmeti 12-19 maýsym aralyǵynda ótken jarysta jasóspirim «14 jasqa deıingi» kategorııa boıynsha synǵa tústi. 63 shahmatshyny biliktiligimen basyp ozǵan Edgar Mamedov byltyr da jedel shahmattan (rapıd) Azııa chempıonatyna qatysyp, úzdik nátıje kórsetken. Biraq bıyl jasóspirim klassıkalyq shahmat boıynsha baq synady. Shahmatshynyń anasy Gúlnar Mamedova ulyna qoldaý kórsetken jandarǵa alǵysyn aıtty.
«Chempıonatqa Azııanyń 34 elinen 63 shahmatshy qatysty. Bul saıysta da Edgar óziniń sheberligin kórsete bildi. Ulymdy maqtan tutamyn. Saıys qorytyndysy boıynsha alty jeńis pen úsh «teń nátıje» kórsetip, 9 – dan 7½ upaı jınady. Meniń ulyma únemi qoldaý kórsetip otyratyn Aqtaý qalasy ákimdigine, Mańǵystaý oblystyq dene shynyqtyrý jáne sport basqarmasyna, jattyqtyrýshylarǵa alǵysymdy aıtamyn», dedi shahmatshynyń anasy Gúlnar Mamedova.
Qazaqstannyń on dúrkin chempıony, Álem chempıonattarynyń eki dúrkin kúmis júldegeri jáne Azııa chempıony Edgar Mamedov osy jyly halyqaralyq sheberdiń úshinshi normasyn oryndap, FIDE reıtıngisin 2405 pýnktke deıin kótergen. Sondaı-aq 13 jasynda ol grossmeısterdiń birinshi normasyn oryndaǵan.