Batys Qazaqstan oblysynda sý tasqynynan zardap shekken turǵyndarǵa arnap 850 úı salynyp jatyr. Bul jóninde óńir basshysy Narıman Tóreǵalıev habarlady.
Oral qalasynda Batys Qazaqstan oblysy Qazaqstan halqy Assambleıasynyń XXVI sessııasy kezinde oblys ákimi, Batys Qazaqstan oblysy Qazaqstan halqy Assambleıasynyń tóraǵasy Narıman Tóreǵalıev óńirde qalyptasqan qoǵamdyq-saıası ahýal, ony qalyptastyrýdaǵy assambleıa ókilderiniń úlesi jaıynda aıta kelip, kóktemgi sý tasqynynan bolǵan zardapty qalpyna keltirý týraly baıan etti.
«Kóktemgi sý tasqyny kezinde Qazaqstan halqy bir jaǵadan bas, bir jeńnen qol shyǵaryp, tabıǵı apatqa ıyq tirese qarsy turdy. Bizdiń Batys Qazaqstan oblysynda da turǵyndardyń uıymshyldyǵy, arnaýly organdar men qutqarýshylardyń saýatty qımyly arqasynda úlken shyǵyndarǵa jol bermedik. Qazir oblystyń 5 aýdanynda 401 turǵynúıdiń qurylysy júrip jatyr. Sonymen birge tasqyn kezinde 10 myńnan asa saıajaı úıi sý astynda qalǵan edi. Qazirdiń ózinde 500-den astam saıajaı turǵyny páter ıesi atandy. Olardyń keıbiri jańa baspanasyna kirip alsa, endi bireýleri bolashaq páteriniń qaı jerde ekenin anyqtap, qolyna qujatyn alyp otyr. Buǵan qosa jalǵyz baspanasy sý tasqyny sebebinen jaramsyz bolǵan saıajaılyqtarǵa arnalyp 450 úıdiń qurylysy júrip jatyr. Bul standartty jeke úıdiń árqaısysynyń aýmaǵy 80 sharshy metr. Mine, osylaısha bıyl sý tasqynynan zardap shekken halyqqa arnap oblys aýmaǵynda barlyǵy 850-den asa jańa úı salynyp jatyr», dedi Narıman Tóreǵalıev.
О́ńir basshysy budan bólek turǵyn úı naryǵynan da sý jańa jáne buryn paıdalanylǵan páterler satyp alynyp, muqtaj otbasylarǵa beriletinin aıtty. О́ńirde sý tasqyny zardaptaryn joıý, jol qatynasyn qalpyna keltirý, áleýmettik nysandardy salý jáne jóndeý jumysy qaýyrt júrip jatyr. Aıta keteıik, qazirge deıin óńirde 4500-ge jýyq saıajaı úıi «jalǵyz baspana» retinde tanylǵan.
Batys Qazaqstan oblysy