Ishki ister mınıstrligi M.Qarataevtyń 2019 jyldyń qańtar aıynda ishki ister organdarynan bosatylǵanyn jáne qazirgi ýaqytta polısııa qyzmetkeri emes ekenin málimdedi, dep habarlaıdy Egemen.kz IIM baspasóz qyzmetine silteme jasap.
Eske salaıyq, 18 maýsymda BAQ-ta Kıevte Aıdos Sadyqovqa qastandyq jasaldy degen habar taraǵan bolatyn. Ýkraına Ulttyq polısııasynyń málimetinshe, belgisiz bireý Iаrmola kóshesinde turǵan kólikke jaqyndap, er adamǵa oq atqan. Kólikte er adamnyń janynda áıeli bolǵan, ol zardap shekken joq.
Keıinirek A.Sadyqovtyń áıeli Facebook jelisinde eki kúdiktiniń ustalǵanyn habarlady. Olardyń biri buryn Qostanaı oblystyq polısııa departamentiniń qyzmetkeri bolǵan-dy. Ishki ister mınıstrligi Kıevte Qazaqstan jýrnalısi Aıdos Sadyqovqa shabýyl jasady degen kúdiktilerdiń ustalǵany týraly aqparatqa túsinikteme berdi.
«Azamat M.Qarataevqa qatysty onyń 2019 jyldyń qańtar aıynda ishki ister organdarynan bosatylǵanyn jáne qazirgi ýaqytta polısııa qyzmetkeri emes ekenin habarlaımyz. Qazir biz Memleket basshysynyń tapsyrmasyna sáıkes istiń barlyq mán-jaıyn anyqtaý boıynsha tıisti jedel is-sharalar júrgizip jatyrmyz. Osy jumystyń nátıjeleri boıynsha qosymsha aqparat beriledi», delingen habarlamada.
Qyrmyzy JUMAǴALIQYZY,
EUÝ stýdenti